"Spektr İnşaat" yaşayış kompleksi

“Spektr İnşaat” yaşayış kompleksi dəniz səviyyəsindən 25 m. yüksəklikdə, tikili sıxlığı aşağı olan Yaşıl Ada kvartalında yerləşir. Bu rayonda tikilmiş Bakı Ağ Şəhər Ofis Binası ətrafda təkrar olunmaz bir atmosfer yaradır və eyni zamanda şəhərin müasir memarlığına qiymətli töhfə verir.

Kompleksin əlverişli nöqtədə yerləşməsi Nobel prospektinə rahat keçidi təmin edərək oradan eynilə həm şəhərin tarixi mərkəzinə, həm də Heydər Əliyev beynəlxalq hava limanına getməyi asanlaşdırır. Yaşıl Ada rayonunun cənub hissəsində – Nobel prospekti boyunca 4 çıxışı olan yeni metro stansiyası planlaşdırılıb. “Spektr İnşaat” yaşayış kompleksindən gəzinti məsafəsində yerləşən Dənizkənarı Bulvar, Baku City Mall, Fransız məktəbi, Boulevard Hotel və yüksək səviyyəli biznes mərkəzləri gələcək sakinlər və qonaqlar üçün gözəl mühit yaradır.

Qonşuluqda layihələndirilmiş orta məktəblər, parklar, müasir biznes və ticarət mərkəzləri “Spektr İnşaat” yaşayış kompleksini yaşamaq üçün ən rahat və cəlbedici yerlərdən birinə çevirir.

Üstünlüklər

• 7 mərtəbəli yaşayış kompleksi
• Hər mərtəbədə 2 və ya 3 mənzil
• Mərmər ilə üzlənmiş geniş pilləkan aşırımları və pilləkan meydançaları
• Qonaqlar üçün 24 yerlik yerüstü avtodayanacaq
• 2 mərtəbəli yeraltı avtodayanacaq
• Avtodayanacaqlardan liftlərə çıxış
• Səssiz və sürətli liftlər
• 2 günlük ehtiyatı olan su çəni
• Rəqəmsal TV, internet və telefon sistemləri
• Videomüşahidə nəzarəti altında olan avtomatlaşdırılmış yanğın təhlükəsizliyi sistemi